Actor Vijay: 12, 10ம் வகுப்பு மாணவர்களை விரைவில் சந்திக்கிறார் நடிகர் விஜய் – அனல் பறக்கும் அரசியல் களம்

நடிகர் விஜய் தனது அரசியல் பயணத்தை தொடங்கியது முதல் அவர் மீது தொடர்ந்து எதிர்பார்ப்புகள் இருந்து வருகிறது. இதுவரை பெரியளவில் தனது அரசியல் நடவடிக்கையை அவர் தொடங்காவிட்டாலும், விரைவில் அடுத்தடுத்த பணிகளில் அவர் களமிறங்குவார் என்று எதிர்பார்க்கப்படுகிறது.

மாணவர்களை சந்திக்கும் விஜய்:

தமிழ்நாட்டில் 12 மற்றும் 10ம் வகுப்பு மாணவர்களின் பொதுத்தேர்வு முடிவுகள் வெளியாகியுள்ளது. குடும்பங்கள் கொண்டாடும் நாயகனாக உலா வரும் நடிகர் விஜய், கடந்த முறை மாணவர்களுடன் நடத்திய சந்திப்பு மக்கள் மத்தியிலும், தமிழக அரசியல் மத்தியிலும் பெரும் தாக்கத்தை ஏற்படுத்தியது.

இந்த நிலையில், மீண்டும் நடிகர் விஜய் மீண்டும் 12 மற்றும் 10ம் வகுப்பு மாணவர்களை சந்திக்க உள்ளதாக தகவல்கள் வெளியாகியுள்ளது. கடந்த முறையை காட்டிலும் இந்த முறை சந்திப்பு பிரம்மாண்டமாக இருக்கும் என்று கருதப்படுகிறது. கடந்த முறை எதிர்பார்த்ததை விட அதிக நேரம் விழா நடைபெற்றது. இதனால், இந்த முறை அதற்கேற்ப நேரம் மற்றும் இடம் தேர்வு செய்யப்பட்டு விழா நடத்தப்படும் என்று கருதப்படுகிறது.

அரசியல் அதிரடி:

மேலும், மாணவர்களுடனான சந்திப்பு நிறைவு பெற்ற பிறகு விரைவில் தமிழக வெற்றிக்கழகத்தின் முதல் அரசியல் மாநாட்டை நடிகர் விஜய் நடத்த உள்ளதாக தகவல் வெளியாகியுள்ளது. அடுத்தடுத்து தனது அரசியல் நடவடிக்கையால் நடிகர் விஜய் அரசியல் பயணத்தில் அதிரடி திருப்பத்தை ஏற்படுத்தும் நடவடிக்கைகளை மேற்கொள்ள திட்டமிட்டுள்ளார்.