Shoib Bashir: இந்தியாவை சுழலால் மிரட்டும் சோயிப் பஷீர்! எப்படி கிடைத்தது வாய்ப்பு?

இந்தியா – இங்கிலாந்து அணிகள் மோதும் 4வது டெஸ்ட் ராஞ்சியில் நடைபெற்று வருகிறது. இந்த போட்டியில் முதல் இன்னிங்சில் இங்கிலாந்து அணி ஜோ ரூட்டின் அபார சத உதவியுடன் 353 ரன்களை குவித்து ஆல் அவுட்டானது. இதையடுத்து, முதல் இன்னிங்சை தொடங்கிய இந்திய அணிக்கு அதிர்ச்சி மேல் அதிர்ச்சி காத்திருந்தது.

தடுமாறும் இந்தியா

கேப்டன் ரோகித் சர்மா 2 ரன்களில் அவுட்டாக ஜெய்ஸ்வால் – கில் ஜோடி நன்றாக ஆடினர். ஆனால், கில் 38 ரன்களில் சோயிப் பஷீர் பந்தில் அவுட்டானார். அடுத்து வந்த இளம் வீரர் ரஜத் படிதார் இந்த இன்னிங்சிலும் சொதப்பலான ஆட்டத்தை வெளிப்படுத்தினார். அவர் 17 ரன்களுக்கு அவுட்டாக, அடுத்து வந்த அனுபவ வீரர் ஜடேஜா 12 ரன்களுக்கு அவுட்டானர்.

கடந்த டெஸ்டில் அதிரடி காட்டி அசத்திய சர்பராஸ் கான் 14 ரன்களுக்கு அவுட்டாக, இந்திய அணி தடுமாறிக் கொண்டு இருந்தது. அதேசமயம், தனி ஆளாக தொடக்க வீரர் ஜெய்ஸ்வால் போராடிக் கொண்டிருந்தார். அவர் சிறப்பாக ஆடி அரைசதம் கடந்தும் இங்கிலாந்து சிம்ம சொப்பனமாக திகழ்ந்தார்.

மிரட்டும் பஷீர்:

அவரும் கடைசியில் பஷீர் பந்துவீச்சில் போல்டானார். ஜெய்ஸ்வால் 117 பந்துகளில் 8 பவுண்டரி 1 சிக்ஸருடன் 73 ரன்கள் எடுத்து அவுட்டானர். இந்திய அணிக்கு எதிராக இங்கிலாந்து சுழல் வீரர் பஷீர் 4 விக்கெட்டுகளை வீழ்த்தினார். ஜெய்ஸ்வால், சுப்மன் கில், ஜடேஜா என முக்கிய விக்கெட்டுகளும் அதில் அடங்கும்.

20 வயதே ஆன சோயிப் பஷீர் இங்கிலாந்தின் புதிய சுழல் சூறாவளியாக உருவெடுத்துள்ளார். இந்த தொடரில்தான் அறிமுகமான அவர் முதல் டெஸ்டிலே அசத்தினார்.
இங்கிலாந்தில் நடைபெற்ற உள்நாட்டு கிரிக்கெட்டில் அசத்தலான ஆட்டத்தை வெளிப்படுத்தியதன் மூலம் அவருக்கு இங்கிலாந்து அணியில் வாய்ப்பு வழங்கப்பட்டது.

வாய்ப்பு கிடைத்தது எப்படி?

சோயிப் பஷீர் குறைவான உள்ளூர் போட்டிகளே விளையாடிய நிலையில், அவர் ஒரு முறை இங்கிலாந்து அணியின் முன்னாள் கேப்டன் அலஸ்டயர் குக்கிற்கு பந்துவீசும் வீடியோவை பென் ஸ்டோக்ஸ் பார்த்துள்ளார். அதை அந்த அணியின் பயிற்சியாளர் மெக்கல்லத்திற்கு அனுப்பினார். அதைப்பார்த்த மெக்கல்லம் அந்த 20 வயது சிறுவனின் சுழலில் மாயம் இருப்பதை கண்டு அவரை இந்திய அணிக்கு அழைத்தார்.
பஷீர் இங்கிலாந்தில் பிறந்து வளர்ந்தவர் என்றாலும் அவரது பெற்றோர்கள் பாகிஸ்தாவைச் சேர்ந்தவர்கள். முதல் போட்டியில் விசா தாமதமானதால் அவரால் பங்கேற்க இயலவில்லை.


எதிர்காலம்:

7 முதல் தர கிரிக்கெட் போட்டிகளில் ஆடியுள்ள பஷீர் 14 விக்கெட்டுகளையம், 7 லிஸ்ட் ஏ கிரிக்கெட்டில் ஆடி 3 விக்கெட்டுகளையும், 5 டி20களில் ஆடி 4 விக்கெட்டுகளையும் வீழ்த்தியுள்ளார். சிறந்த வலதுகை சுழற்பந்துவீச்சாளரான பஷீர் டெஸ்ட் கிரிக்கெட்டில் இங்கிலாந்தின் பெரிய நட்சத்திரமாக ஜொலிப்பார் என்று கிரிக்கெட் வல்லுனர்கள் கருதுகின்றனர் இந்திய அணிக்காக தற்போது இளம் வீரர் துருவ் ஜோயல் அரைசதம் கடந்து போராடி வருகிறார்.