திரைப்படங்கள் என்றாலே ரசிகர்களுக்கு தனி குஷியை ஏற்படுத்தும். அதுவும், விளையாட்டு தொடர்பான படங்கள் என்றால் விறுவிறுப்புக்கு பஞ்சமே இருக்காது. விளையாட்டு படங்களிலும் கிரிக்கெட் தொடர்பான படங்கள் என்றால் சொல்லவா வேண்டும்? சென்னை 28, சென்னை 28 இரண்டாம் பாகம், 83, ஜெர்ஸி, கனா போன்ற கிரிக்கெட் படங்களின் வெற்றியே நமக்கு அதை உணர்த்தியுள்ளது.
இந்த வகையில், இந்தாண்டு தமிழ் சினிமாவின் கிரிக்கெட் ஆண்டாக அமைகிறது. ஆம். கிரிக்கெட் தொடர்பாக சூப்பர்ஸ்டார், லேடி சூப்பர்ஸ்டார் ஆகியோர் நடிப்பில் உருவாகியுள்ள 4 படங்கள் வெளியாக உள்ளது.
லால் சலாம்:
சூப்பர்ஸ்டார் ரஜினிகாந்த கவுரவ வேடத்தில் நடித்துள்ள லால் சலாம் படம் கிரிக்கெட்டும், அதில் நடக்கும் மத அரசியலையும் மையப்படுத்தி எடுக்கப்பட்டுள்ள படம். இந்த படத்தை ரஜினிகாந்த் மகள் ஐஸ்வர்யா இயக்கியுள்ளார். விஷ்ணு விஷால், விக்ராந்த் இந்த படத்தில் கதாநாயகர்களாக நடித்துள்ளனர்.
டெஸ்ட்:
நயன்தாரா, மாதவன், சித்தார்த் ஆகியோர் நடிப்பில் உருவாகியுள்ள திரைப்படம் டெஸ்ட் ஆகும். இந்த படமும் கிரிக்கெட் களத்தை மையமாக கொண்ட படம் என்று எதிர்பார்க்கப்படுகிறது. சசிகாந்த் இந்த படத்தை இயக்கியுள்ளார்.
லப்பர் பந்து:
நடிகர் தினேஷ் மற்றும் நடிகர் ஹரிஷ் கல்யாண் ஆகியோர் நடிப்பில் உருவாகியுள்ள இந்த படத்திற்கு லப்பர் பந்து என்று பெயர் சூட்டப்பட்டுள்ளது. லப்பர் பந்து படத்தை தமிழரசன் பச்சமுத்து இயக்கியுள்ளார். சுவாசிகா, சஞ்சனா முக்கிய வேடத்தில் நடித்துள்ளனர்.
ப்ளூ ஸ்டார்:
இயக்குனர் பா.ரஞ்சித் இயக்கத்தில் உருவாகியுள்ள திரைப்படம் ப்ளூ ஸ்டார். இந்த படத்தில் அசோக் செல்வன், சாந்தனு நாயகர்களாக நடித்துள்ளனர். ஜெயக்குமார் இந்த படத்தை இயக்கியுள்ளார்.
இந்த படங்கள் இன்னும் சில மாதங்களில் அடுத்தடுத்து வெளியாக உள்ளது. இந்தாண்டு கோலிவுட்டில் கிரிக்கெட்டிற்கு முக்கியத்துவம் அளித்து படங்கள் வெளியாக உள்ளது கிரிக்கெட் ரசிகர்களை உற்சாகப்படுத்தியுள்ளது.
