AK 64: திரையரங்கம் சிதறட்டும்.. அஜித்தின் அடுத்த பட இயக்குனர் இவரா? சம்பவம் லோடிங்…

தமிழ் திரையுலகின் உச்சநட்சத்திரமாக உலா வருபவர் நடிகர் அஜித்குமார். கோடிக்கணக்கான ரசிகர்களை கொண்ட அஜித்குமார் தற்போது கார் ரேஸிங்கில் தீவிர கவனம் செலுத்தி வருகிறார். அவரது நடிப்பில் கடைசியாக குட் பேட் அக்லி படம் வெளியானது. இந்த படம் அஜித் ரசிகர்கள் மத்தியில் மிகப்பெரிய வரவேற்பை பெற்றது. ஆதிக் ரவிச்சந்திரன் இயக்கிய இந்த படம் ரூபாய் 200 கோடியை வசூலித்தது.

அஜித்தின் அடுத்த பட இயக்குனர்?

இந்த நிலையில், அஜித்தின் அடுத்த படம் குறித்த அறிவிப்பு ஜுன் மாதத்தில் வெளியாக உள்ளதாக தகவல் வெளியாகியுள்ளது. அஜித்தின் குட் பேட் அக்லி படத்தை இயக்கிய ஆதிக் ரவிச்சந்திரனே இந்த படத்தை இயக்க உள்ளதாகவும் தகவல் வெளியாகியுள்ளது.

குட் பேட் அக்லி படத்தின் இறுதிக்காட்சியிலும் அதை குறிக்கும் விதமாக ஏகே 64 என்று கார் எண்ணில் குறிப்பிடப்பட்டிருந்தது. அப்போது, அஜித்தின் அடுத்த படத்தை ஆதிக் ரவிச்சந்திரன் இயக்க உள்ளதாக தகவல் வெளியானது.

விஷ்ணுவர்தன், பிரசாந்த நீல்?

அதேசமயம், விஷ்ணுவர்தன், பிரசாந்த் நீல் பெயர்களும் அஜித்தின் 64வது படத்தை இயக்க உள்ள பட்டியலில் அடிபட்டு வருகிறது. கேஜிஎஃப் படத்தை இயக்கிய பிரசாந்த் நீல் அஜித்தை வைத்து 2 படங்கள் இயக்க உள்ளதாகவும், அதில் ஒரு படம் கேஜிஎஃப் வரிசையில் இடம்பெற உள்ளதாகவும் கூறப்படுகிறது.

இந்த படத்தை குட் பேட் அக்லி படத்தை தயாரித்த பிரபல தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்க உள்ளதாக தகவல் வெளியாகியுள்ளது. தற்போது கார் பந்தயங்களில் தீவிர கவனம் செலுத்தி வரும் அஜித்குமார் தனது அடுத்த படத்தின் படப்பிடிப்பு இந்தாண்டு இறுதியில் தொடங்கும் என்று ஏற்கனவே அறிவித்திருந்தார் என்பது குறிப்பிடத்தக்கது.