Good Bad Ugly Trailer: சம்பவம் இருக்கு.. மிரட்டிவிட்ட குட் பேட் அக்லி ட்ரெயிலர்! மரண வெயிட்டிங்கில் அஜித் ரசிகர்கள்

தமிழ் திரையுலகின் உச்சநட்சத்திரம் அஜித்குமார். இவரது நடிப்பில் உருவாகியுள்ள திரைப்படம் குட் பேட் அக்லி. இந்த படம் வரும் 10ம் தேதி ரிலீசாக உள்ளது. இந்த படம் தொடங்கப்பட்டது முதலே அஜித்தின் கெட்டப்புகள் தொடர்ந்து வெளியாகி ரசிகர்கள் மத்தியில் மிகுந்த எதிர்பார்ப்பை ஏற்படுத்தியிருந்தது.

ட்ரெயிலருக்கு மாஸ் வரவேற்பு

இந்த நிலையில், கடந்த சில வாரங்களுக்கு முன்பு வெளியான படத்தின் டீசர் அனைவரையும் மகிழ்ச்சிப்படுத்தியது. இந்த நிலையில், நேற்று குட் பேட் அக்லி படத்தின் ட்ரெயிலர் ரிலீசானது. அஜித்தின் முந்தைய ப்ளாக்பஸ்டர் படங்களில் அவரது ஐகான் வசனங்கள் நிரம்ப இந்த ட்ரெயிலர் உருவாகியுள்ளது.

இதை அஜித் ரசிகர்கள் கொண்டாடி வருகின்றனர். படத்தின் இயக்குனர் ஆதிக் ரவிச்சந்திரனுக்கு ரசிகர்கள் பாராட்டு தெரிவித்து வருகின்றனர். அஜித்தின் அமர்க்களம், பில்லா, மங்காத்தா, தீனா, ரெட் என அவரது ப்ளாக்பஸ்டர் படங்களின் வசனங்களும், குறிப்புகளும் படத்தில் இடம்பெற்றிருப்பது ரசிகர்களை மகிழ்ச்சிப்படுத்தியுள்ளது.

காத்திருக்கும் ரசிகர்கள்:

படத்தின் ரிலிஸிற்கு இன்னும் 5 நாட்களே உள்ள நிலையில் ரசிகர்கள் மிகுந்த எதிர்பார்ப்புடன் காத்துள்ளனர். அஜித் கடந்த சில வருடங்களாக நடித்த சில படங்கள் வெற்றி பெற்றாலும் அமர்க்களம், தீனா, அட்டகாசம், ரெட், மங்காத்தா போன்ற பாணியில் எந்த படமும் அமையவில்லை என்று அவரது ரசிகர்கள வருத்தத்துடன் இருந்தனர்.

இந்த வருத்தம் நீங்கும் வகையில் இந்த படத்தை படக்குழு உருவாக்கியிருப்பதாக தகவல் வெளியாகியுள்ளது. இந்த படத்திற்கு ஜிவி பிரகாஷ் இசையமைத்துள்ளார். மைத்ரி மூவி மேக்கர்ஸ் நிறுவனம் இந்த படத்தை தயாரித்துள்ளது. மிகப்பெரிய பட்ஜெட்டில் வெளிநாட்டில் இந்த படம் படமாக்கப்பட்டுள்ளது.

நட்சத்திர பட்டாளம்:

இந்த படத்தில் அஜித்துடன் த்ரிஷா, பிரபு, பிரசன்னா, சுனில், அர்ஜுன்தாஸ், யோகிபாபு, ரெட்டின் கிங்ஸ்லி உள்பட பலர் நடித்துள்ளனர். சிம்ரன், ஜாக்கி ஷெராஃப் கெளரவ வேடத்தில் நடித்துள்ளனர்.