Vaikasi: விசேஷம் வைக்கப் போறீங்களா! வைகாசி மாசம் எத்தனை முகூர்த்த நாள்?

சித்திரை முடிந்து வைகாசி பிறந்தாலே பல வீடுகளில் மங்கல ஓசை கேட்கும். சித்திரையில் திருமண நிகழ்ச்சிகளை வைக்காதவர்கள் வைகாசியில் திருமணங்களை நடத்துவார்கள். இந்தாண்டுக்கான வைகாசி மாதம் கடந்த 14ம் தேதி பிறந்தது.

இந்த நிலையில், இந்த வைகாசி மாதத்தில் மொத்தம் 7 சுபமுகூர்த்த நாட்கள் உள்ளது.

முதல் சுபமுகூர்த்தம் – 19ம் தேதி:

இந்த வைகாசி மாதத்தின் முதல் சுபமுகூர்த்த நாள் வரும் 19ம் தேதி ஆகும். ஞாயிற்றுக்கிழமை வரும் இந்த முகூர்த்தமானவு வளர்பிறை முகூர்த்தம் ஆகும். மிதுன லக்கினத்தில் ஏகாதசி திதியில் அஸ்தம் நட்சத்திரத்தில் இந்த முகூர்த்தம் வருகிறது. அன்றைய தினத்தில் காலை 7.30 மணி முதல் 8.30 மணி வரை நல்ல நேரம் ஆகும்.

2வது முகூர்த்த நாள்:

இரண்டாவது சுபமுகூர்த்த நாள் வரும் 26ம் தேதி வருகிறது. ஞாயிற்றுக்கிழமையில் வரும் தேய்பிறையில் இந்த முகூர்த்தம் வருகிறது. மிதுன லக்கினத்தில் மூல நட்சத்திரத்தில் வரும் திருதியை திதியில் வரும் இந்த முகூர்த்த தினத்தில் 7.30 மணி முதல் 9 மணி வரை நல்ல நேரம் ஆகும்.

3வது முகூர்த்த நாள்:

வைகாசி மாதத்தில் வரும் 3வது முகூர்த்த நாள் வரும் ஜூன் மாதம் 2ம் தேதி வருகிறது. இந்த முகூர்த்த நாளும் ஞாயிற்றுக்கிழமையே வருகிறது. தேய்பிறையில் அமிர்த யோகத்தில் வரும் இந்த முகூர்த்த நாளானது மிதுன லக்னத்தில் வருகிறது. ரேவதி நட்சத்திரத்தில் ஏகாதசி திதியில் வரும் இந்த முகூர்த்த நாளில் 7.30 மணி முதல் 9 மணி வரை நல்ல நேரம் வருகிறது.

4வது முகூர்த்த நாள்:

ஜூன் மாதம் 3ம் தேதி நான்காவது முகூர்த்த நாள் வைகாசி மாதத்தில் உள்ளது. திங்கள்கிழமையில் வரும் இந்த நன்னாள் தேய்பிறையில் ரிஷப லக்கினத்தில் வருகிறது. அஸ்வினி நட்சத்திரத்தில், துவாதசி திதியையில் சித்த யோகத்தில் வரும் இந்த நன்னாளில் நல்ல நேரம் காலை 6 மணி முதல் காலை 7.30 மணி வரை வருகிறது.

5வது முகூர்த்த நாள்:

ஜூன் மாதம் 9ம் தேதி வரும் இந்த முகூர்த்த நாள் ஞாயிற்றுக்கிழமையில் வருகிறது. வளர்பிறையில் வரும் இந்த முகூர்த்த நாள், மிதுன லக்கினத்தில் புனர்பூச நட்சத்திரத்தில் வருகிறது. சித்த யோகம் திருதியை திதியில் வரும் இந்த நாளில் நல்ல நேரம் காலை 7.30 மணி முதல் 9 மணி வரை ஆகும்.

6வது முகூர்த்த நாள்:

திங்கள் கிழமையான ஜூன் 10ம் தேதி வரும் இந்த முகூர்த்த நாள் வளர்பிறையில் வருகிறது. ரிஷப லக்கினத்தில் பூச நட்சத்திரத்தில் வரும் சதுர்த்தி திதியில் சித்த யோகத்தில் இந்த நன்னாள் வருகிறது. காலை 9.30 மணி முதல் 10.30 மணி வரை நல்ல நேரம் ஆகும்.

7வது முகூர்த்தம்:

ஜூன் மாதம் 12ம் தேதியே வைகாசி மாதத்தில் வரும் கடைசி முகூர்த்தம் ஆகும். புதன்கிழமையில் வரும் இந்த முகூர்த்த நன்னாளும் வளர்பிறையில் வருகிறது. கடக லக்கினத்தில் வரும் இந்த நன்னாள் மகம் நட்சத்திரத்தில் வருகிறது. சஷ்டி திதியில் வரும் இந்த முகூர்த்த நாள் சித்த யோகத்தில் வருகிறது. இந்த முகூர்த்த நாளில் 9 மணி முதல் 10.30 மணி வரை நல்ல நேரம் ஆகும்.