ஆல்வேஸ் அஜித்தான் பேவரைட்! சுதீப் ஏன் அப்படி சொன்னார் தெரியுமா?

கன்னட திரையுலகின் மிகப்பெரிய நடிகர்களில் ஒருவர் சுதீப். நான் ஈ படம் மூலமாக தமிழ்நாட்டிலும் மிகவும் பிரபலமானவர். இவர் கன்னடம் மட்டுமின்றி தெலுங்கு, தமிழிலும் ஏராளமான படங்களில் நடித்துள்ளார். வில்லன் கதாபாத்திரங்களிலும் மிரட்டக்கூடியவர்.

அஜித்தான் பேவரைட்:

சமீபத்தில் இவரிடம் தனியார் பத்திரிகை நிறுவனம் பேட்டி எடுத்தது. அதில் அவரிடம் உங்களுக்கு பிடித்த நடிகர் யார்? என்று கேள்வி கேட்கப்பட்டது. குறிப்பாக, தமிழ் மற்றும் இந்தியாவில் உங்களுக்கு பிடித்த நடிகர், நடிகையர்கள் யார்? என்று கேட்கப்பட்டது.

அதற்கு அவர், இந்தியளவில் எனக்கு பிடித்த நடிகர் என்பதை காட்டிலும் நடிகை கஜோல் என்றார். ஒரு நடிகராக பஹத் பாசிலை எனக்கு மிகவும் பிடிக்கும். ஆனால், எப்போதும் என்னுடைய பேவரைட் நடிகர் அஜித்குமார்தான். அவர் ஒரு நடிகராக இல்லாமல் ஒரு மனிதராக எனக்கு மிகவும் பிடிக்கும். அவர் மிகச்சிறந்த மனிதர்.

விவேக் சார் பிடிக்கும்

தமிழில் சிறந்த துணை கதாபாத்திர நடிகர் யார்? என்று சுதீப்பிடம் கேட்கப்பட்டோது அவர் எனக்கு விவேக் சாரை மிகவும் பிடிக்கும் என்று கூறினார். பின்னர், அஜித்தின் என்னை அறிந்தால் படத்தில் வரும் உனக்கென்ன வேணும் சொல்லு பாடலை பாடியும் அசத்தி காட்டினார். நடிகர் அஜித்தும் சுதீப்பும் இதுவரை எந்த படத்திலும் இணைந்து நடித்ததில்லை. அஜித் தற்போது விடாமுயற்சி படத்தின் படப்பிடிப்பிற்காக வெளிநாட்டில் உள்ளார்.

தற்போது துபாயில் குடும்பத்துடன் அஜித் உள்ள நிலையில், மீண்டும் அஜர்பைஜானுக்கு படப்பிடிப்பிற்காக விரைவில் செல்வார் என்று எதிர்பார்க்கப்படுகிறது.