நடிகர் அஜித்குமார் தற்போது விடாமுயற்சி படத்தில் நடித்து வருகிறார். லைகா தயாரிப்பில் மகிழ் திருமேனி இயக்கும் இந்த படத்தின் படப்பிடிப்பு அஜர்பைஜானில் முதற்கட்டமாக நடந்து முடிந்துள்ளது. இதன் இரண்டாம் கட்ட படப்பிடிப்பு விரைவில் தொடங்க உள்ளது.
தேடிச்சென்று உதவிய அஜித்:
முதற்கட்ட படப்பிடிப்ப முடிந்து அஜித்குமார் சென்னை திரும்பிய புகைப்படங்களும், வீடியோக்களும் இணையத்தில் வைரலாகியது. இந்த நிலையில், மிக்ஜாம் புயல் காரணமாக சென்னையில் தனது தாய் சிகிச்சைக்காக தங்கி வரும் அமீர்கான் வெள்ளத்தில் சிக்கினார். இதையடுத்து, அவரையும் நடிகர் விஷ்ணுவிஷாலையும் மீட்பு படையினர் மீட்டனர்.
இந்த நிலையில், வெள்ளத்தால் அமீர்கான் மற்றும் விஷ்ணுவிஷால் ஆகியோரை நடிகர் அஜித்குமார் நேரில் சென்று சந்தித்து நலம் விசாரித்தார் மேலும், அவர்களுக்கும் அந்த பகுதியில் வசிப்பவர்களுக்கும் அஜித்குமார் தேவையான உதவிகளை செய்ததாக நடிகர் விஷ்ணுவிஷால் அவரது ட்விட்டர் பக்கத்தில் பதிவிட்டிருந்தார்.
நடிகர் அஜித் – அமீர்கான் – விஷ்ணுவிஷால் நேரில் சந்தித்துக்கொண்டபோது எடுத்துக் கொண்ட புகைப்படம் தற்போது இணையத்தில் வைரலாகி வருகிறது.
அடையாளம் தெரியாத அளவு
அந்த புகைப்படத்தில் நடிகர் அஜித் மெலிந்த தோற்றத்தில் உள்ளார். நடிகர் மேலும், சில தினங்களுக்கு முன்பு ரசிகை ஒருவருடன் அஜித் எடுத்துக்கொண்ட புகைப்படமும் இணையத்தில் உலா வருகிறது. அதில் அஜித் மிகவும் மெலிந்து காணப்படுகிறார். விடாமுயற்சி படத்திற்கு சுமார் 20 கிலோ வரை அஜித்குமார் உடல் எடையை குறைத்துள்ளதாக தெரியவருகிறது.
அஜித் இந்தளவு உடல் எடை குறைந்து காணும் புகைப்படம் தற்போது இணையத்தில் வைரலாகி வருகிறது. விரைவில் விடாமுயற்சி படத்தின் இரண்டாம்கட்ட படப்பிடிப்பு தொடங்க உள்ளது. இந்த படத்தில் திரிஷா உள்ளிட்ட நட்சத்திர பட்டாளங்கள் பலரும் நடிக்கின்றனர். ஸ்பை திரில்லர் ரகமாக விடாமுயற்சி படம் உருவாகி வருவதாக தகவல்கள் வெளியாகியுள்ளது.
