உலகக் கோப்பை கிரிக்கெட் போட்டி இறுதிகட்டத்தை எட்டியுள்ளது. முதல் ஆளாக இறுதிப்போட்டிக்கு முன்னேறப் போவது யார்? தொடரை விட்டு வெளியேறப் போவது யார்? என்பதை தீர்மானிக்கும் முதல் அரையிறுதி போட்டி மும்பையில் உள்ள புகழ்பெற்ற வான்கடே மைதானத்தில் நாளை நடக்கிறது.
இந்திய அணி 28 ஆண்டுகளுக்கு பிறகு 2வது முறையாக ஒருநாள் உலகக்கோப்பையை முத்தமிட்ட மைதானம் என்பதால், இந்திய ரசிகர்களுக்கு மிகவும் நெருக்கமான மைதானம் வான்கடே மைதானம் ஆகும்.
கடந்த உலகக்கோப்பை அரையிறுதியில் நியூசிலாந்திடம் தோல்வியடைந்ததற்கு பழி தீர்க்குமா இந்தியா? என்ற பெருத்த ஆவலுடன் இந்திய ரசிகர்கள் உள்ளனர். போட்டி நடைபெறும் வான்கடே மைதானமானது பேட்டிங்கிற்கு மிகவும் சாதகமான மைதானம் என்றே சொல்லலாம்.
வான்கடேவில் இரு அணிகளும்:
• வான்கடே மைதானத்தில் இந்திய அணி இதுவரை 21 ஒருநாள் போட்டிகளில் ஆடியுள்ளது.
• அதில் 12 போட்டிகளில் வெற்றி பெற்றுள்ளது. 9 போட்டிகளில் தோல்வியடைந்துள்ளது.
• முதலில் பேட் செய்தபோது 5 முறையும், சேசிங்கின்போது 7 முறையும் இந்தியா வெற்றி வாகை சூடியுள்ளது.
• இந்தியாவின் அதிகபட்ச ஸ்கோர் இந்த மைதானத்தில் 357 ரன்கள் ஆகும். குறைந்த பட்ச ஸ்கோர் 165 ஆகும்
• நியூசிலாந்து அணி இந்த மைதானத்தில் 3 ஒருநாள் போட்டிகளில் ஆடியுள்ளது.
• 2 போட்டிகளில் வெற்றியும், 1போட்டியில் தோல்வியும் அடைந்துள்ளது.
• அதிகபட்சமாக 358 ரன்களை நியூசிலாந்து எடுத்துள்ளது. குறைந்தபட்சமாக 158 ரன்களை எடுத்துள்ளது.
இந்தியா – நியூசிலாந்து இதுவரை:
• இந்தியா – நியூசிலாந்து அணிகள் இதுவரை 117 முறை ஒருநாள் போட்டியில் ஆடியுள்ளது.
• இதில் இந்தியா 59 முறையும், நியூசிலாந்து 50 முறையும் நேருக்கு நேர் வெற்றி பெற்றுள்ளது.
• இதில் இந்திய அணி 24 முறை முதலில் பேட் செய்தும், 35 முறை சேஸ் செய்தும் வெற்றி பெற்றுள்ளது.
• நியூசிலாந்து அணி 22 முறை முதலில் பேட் செய்தும், 28 முறை சேஸ் செய்தும் வெற்றி பெற்றுள்ளது.
• இந்திய அணி அதிகபட்சமாக 392 ரன்களும், நியூசிலாந்து அதிகபட்சமாக 349 ரன்களும் எடுத்துள்ளன.
• இந்திய அணி குறைந்தபட்சமாக 88 ரன்களுக்கும், நியூசிலாந்து குறைந்தபட்சமாக 79 ரன்களுக்கும் ஆல் அவுட்டாகியுள்ளது.
• இந்திய அணியில் அதிகபட்சமாக டெண்டுல்கர் 1750 ரன்கள் குவித்துள்ளார். நியூசிலாந்து அணியில் அதிகபட்சமாக டெய்லர் 1385 ரன்கள் எடுத்துள்ளார்.
• தற்போதைய அணியில் விராட் கோலி 1528 ரன்களும், நியூசிலாந்து தரப்பில் வில்லியம்சன் 1078 ரன்களும் எடுத்துள்ளனர்.
• தனி நபர் அதிகபட்சமாக சுப்மன்கில் 208 ரன்களும், டாம் லாதம் 145 ரன்களும் எடுத்துள்ளனர்.
• மொத்தமாக ஜவஹல் ஸ்ரீநாத் 51 விக்கெட்டுகளும், டிம் சவுதி 35 விக்கெட்டுகளும் எடுத்துள்ளனர்.
• தற்போது ஆடும் வீரர்களில் ஷமி 30 விக்கெட்டுகள் நியூசிலாந்துக்கு எதிராக எடுத்துள்ளார். சவுதி 35 விக்கெட்டுகள் இந்தியாவிற்கு எதிராக வீழ்த்தியுள்ளார்.
• தனி நபர் அதிகபட்சமாக அமித் மிஸ்ரா 5 விக்கெட்டுகளையும், ஷேன் பாண்ட் 6 விக்கெட்டுகளையும் வீழ்த்தியுள்ளனர்.
உலகக்கோப்பையில் இதுவரை:
நடப்பு உலகக்கோப்பையில் லீக் போட்டியில் இந்தியா நியூசிலாந்தை ஏற்கனவே வீழ்த்தியிருந்தது. இது இந்திய அணிக்கு தன்னம்பிக்கையை அளிக்கும்.
• இரு அணிகளும் இதுவரை உலகக்கோப்பையில் 9 முறை ஆடியுள்ளன. இதில் இந்தியா 4 முறையும், நியூசிலாந்து 5 முறையும் வெற்றி பெற்றுள்ளன.
• இந்தியா முதலில் பேட் செய்து 1 முறையும், சேஸ் செய்து 3 முறையும் வெற்றி பெற்றுள்ளது.
• நியூசிலாந்து முதலில் பேட் செய்து 1 முறையும், சேஸ் செய்து 4 முறையும் வெற்றி பெற்றுள்ளது.
• இந்தியா அதிகபட்சமாக 274 ரன்களும், நியூசிலாந்து அதிகபட்சமாக 273 ரன்களும் எடுத்துள்ளனர்.
• குறைந்தபட்சமாக இந்தியா 182 ரன்களும், நியூசிலாந்து 146 ரன்களும் எடுத்துள்ளனர்.
